چھانگا مانگا (نامہ نگار) چھانگا مانگا کے نواحی گائوں ویر سنگھ والا میں بیوی نے اپنے آشنا سے ملکر خاوند کو قتل کردیا۔ ویر سنگھ والا کے رانا اسلم کو شک پیدا ہوا کہ اسکی بیوی گلناز  نے اسکے بھتیجے اشرف سے ناجائز تعلقات قائم کر رکھے ہیں۔ اسلم نے بیوی کو کئی بار سمجھایا مگر وہ باز نہ آئی۔ وہ اشرف کو اپنے ساتھ لیکر کئی روز گھر سے باہر چلی گئی تھی مگر اسلم اپنے بچوں کی خاطر گلناز کو منا کر گھر لے آیا پھر بھی گلناز نے اشرف کے ساتھ تعلقات نہ چھوڑے جس پر دونوں میاں بیوی میں جھگڑا رہتا تھا۔ گلناز نے اپنے آشنا اشرف اور اس کے ساتھی علی رضا کو گھر بلایا اور تینوں نے ڈنڈوں سے تشدد کیا جس سے اسلم زخمی ہوکر گر گیا۔ ملزموں نے اسلم کے گلے میں رسی ڈال دی اور رسی کو آہنی راڈ کے ذریعے بل ڈال کر قتل کر دیا۔ چھانگا مانگا پولیس نے مقدمہ درج کرکے گلناز اور اشرف کو گرفتار کر لیا ہے جب کہ تیسرا علی رضا فرار ہو گیا۔