لاہور(سپورٹس رپورٹر) 64 ویں نیشنل ہاکی چیمپئن شپ 2017ء کے تیسرے روز مزید پانچ میچوں کا فیصلہ ہو گیا۔ ڈیپارٹمنٹ راونڈ میں سوئی سدرن گیس کمپنی، فوجی فرٹیلائزر، سوئی نادرن گیس پائپ لائن نے جبکہ صوبائی راونڈ میں فاٹا اور سندھ کی ٹیموں نے اپنے اپنے میچز جیت لیے۔ سکھر میں کھیلی جا رہی چیمپئن شپ میں گذشتہ روز کھیلے گئے پہلے میچ میں سوئی سدرن گیس کمپنی نے پاکستان نیوی ٹیم کو ایک مے مقابلے دو گول سے مات دی۔ دوسرا میچ پہلی مرتبہ نیشنل چیمپئن شپ کھیلنے والی فوجی فرٹیلائزر کمپنی ٹیم نے پولیس کو دو ایک سے ہرایا۔ ۔ تیسرے میچ میں سوئی نادرن گیس پائپ لائن نے ائر فورس کے خلاف تین کے مقابلے پانچ گول سے کامیابی اپنے نام کی۔۔ صوبائی ٹیموں میں فاٹا نے اسلام آباد ٹیم کو تین صفر سے مات دی۔ پانچویں میچ میں سندھ نے بلوچستان کو چار ایک سے ہرایا۔