ایمریٹس کیA380 ایئر کرافٹ کیساتھ ریل میڈرڈ کے ٹاپ کھلاڑیوں کی تصاویر جاری

اسلام آباد(نیوز ڈیسک)دنیا کی سب سے بڑی انٹرنیشنل ایئر لائن اور سپین فٹ بال کلب ریل میڈرڈ کے مرکزی اسپانسر ایمریٹس نے اپنے ایئر کرافٹ A380 کے ساتھ ایکشن تصاویر جاری کردیں۔ اس مخصوص ڈیزائن کو بنانے کا مقصد، ایمریٹس کے A380 ایئر کرافٹ میں ریل میڈرڈ چارٹرڈ فلائیٹ میڈرڈ سے ابوظہبی کو یادگار بنانا ہے، جہاں موجودہ یورپین چمپئن ٹیم دنیا کی دیگر ٹیموں کے ساتھ مقابلہ کریگی۔یہ فرمائشی ڈیزائن ٹیم کے سینئر کھلاڑیوں مارسیلو، لوکا موڈرک، سرجیو روماس، گیریتھ بیلے اور کریم بنزیما پر مشتمل ہے اور 200 سکوائر میٹرز پر محیط ڈبل ڈیکر ایئرکرافٹ کے دونوں اطراف کو کور کرتا ہے۔ ایئر کرافٹ پر بنایا گیا ڈیزائن اس خاص موقع کو نمایاں کرتا ہے۔