کراچی (اسپورٹس رپورٹر) انٹریونیورسٹی چیمپئن شپ کے لئے جامعہ کراچی کی شطرنج (بوائز) اور بیڈمنٹن (بوائز) کی ٹیموں کا اعلان دو روزہ ٹرائل کے بعد کردیا گیا ڈائریکٹر فزیکل ایجوکیشن جامعہ کراچی راشد علی قریشی کے مطابق انٹریونیورسٹی چیمپئن شپ کے لئے شطرنج اور بیڈمنٹن کی ٹیموں کا اعلان کردیا گیا ہے جس کے مطابق بیڈمنٹن ٹیم کے لئے شاہ احمد، ماوان واسطی، حسیب، حسن فراز، اسد اللہ خان بنگش، شامستی، معیز جبکہ کوچ و مینجر کے فرائض عدیل صدیقی انجام دیں گے نیز شطرنج کی ٹیم رامش خان، مجتبی قاسم، علی شاہ، رافع حمید اور محمد حسان پر مشتمل ہوگی ٹیم مینجر محمد اکبر اور واصف نثار کوچ کے فرائض انجام دیں گے۔