شیخوپورہ: بہو کوڈانٹنے پر بیٹے  نے باپ کو گولیاں ماردیں

شیخوپورہ (نمائندہ خصوصی) تھانہ فیروزوالہ کے علاقہ فیض پور میں کھانا گرم نہ دینے پر سسر کی بہو کو ڈانٹ ڈپٹ کرنے پر بیٹا مشتعل ہوگیا اور باپ کو گولیاں مار کرشدید زخمی کردیا۔ ملزم عمر نے اپنے باپ محمد سعید کی طرف سے بیوی کوڈانٹ ڈپٹ پر اپنے والد کو گولیاں مار کر زخمی کردیا اور موقع سے فرار ہوگیا۔ پولیس نے موقع پر پہنچ کر بزرگ کو ہسپتال پہنچادیا ہے، جس کو تشویشناک حالت کے پیش نظر میوہسپتال لاہور ریفر کردیا گیا ہے۔