سٹاک ایکسچینج کی بہترین پرفارمنس  پی ڈی ایم بیانیے کی موت ثابت ہوئی: شہباز گل

اسلام آباد (نوائے وقت رپورٹ) وزیراعظم کے معاون خصوصی شہباز گل نے کہا ہے کہ سٹاک ایکس چینج کی بہترین پرفارمنس پی ڈی ایم بیانیے کی موت ثابت ہوئی۔ شہباز گل نے اپنے ٹویٹ میں بتایا کہ سٹاک ایکس چینج  اڑھائی سال کی بلند ترین سطح 43766 پوائنٹس پر پہنچ گئی، 73 فیصد کمپنیوں کے شیئرز کی قیمتوں میں بھی اضافہ ہوا، مارکیٹ کی سرمایہ کاری مالیت 76 ارب 63 کروڑ 93 لاکھ روپے بڑھی، کرونا کے باعث سپر پاورز کی معیشت بھی غیر مستحکم ہوئی، پاکستان نے بہترین حکمت عملی سے کرونا کو ہرایا، صنعتوں کو کھولنے سے غریب کو روزگار، نئے کاروبار شروع ہوئے۔