لاہور(سپورٹس رپورٹر) ساگا پریمئر ٹی ٹونٹی کرکٹ لیگ پندرہ جنوری سے شروع ہوگی۔ سابق ٹیسٹ کرکٹر زبھی ایکشن میں ہوں گے۔لیگ کی لانچنگ تقریب لاہور کے نجی ہوٹل میں ہوئی جس میں سابق کرکٹر عبدالرحمن ودیگرنے شرکت کی۔ساگا پریمیئر لیگ کے چیئرمین سیف الاعظم کے مطابق لیگ میں ویٹرنز کرکٹرز شریک ہوں گے۔سابق ٹیسٹ کرکٹر محمدیوسف، عبدالرزاق، عمران نذیر، عبد الرحمن، توفیق عمر، عمران فرحت،،رانا نوید الحسن، ہمایوں فرحت، راو افتخار بھی لیگ کا حصہ ہوں گے۔ ایک ماہ تک جاری رہنے والی اس لیگ میں سترہ ویٹرنز ٹیموں کو مختلف پولز میں تقسیم کیا جائیگا۔ تقریب میں ویٹرنز کرکٹ کے بانی عاشق حسین قریشی کی خدمات کو بھی خاص طور پر سراہا گیا۔