پشاور( آ ئی این پی)کراچی میں منعقدہ بین الصوبائی انڈر16ٹیبل ٹینس ٹورنامنٹ کیلئے خیبر پختونخواکھلاڑیوں کے ٹرائلزکا انعقادکیا گیا،صوبائی سپورٹس ڈائریکٹریٹ کی ڈائریکٹریس رشیدہ غزنوی کی نگرانی میں بڑی تعدادمیں خواتین کھلاڑیوں نے حصہ لیا۔جہاں پر صوبائی کوچزآمنہ خان اور انٹر نیشنل کھلاڑی کائنات ملک نے ٹریننگ دی ۔گزشتہ روز ہونیوالے خواتین ٹیبل ٹینس ٹرائلز کے دوران کھلاڑیوں کے مابین میچزہوئے،جو کھلاڑی بہتر پردکھائینگے انہیں صوبائی ٹیم میں سلیکٹ کیاجائیگا۔رشیدہ غزنوی نے کہاکہ خیبر پختونخواٹیم کیلئے حتمی کھلاڑیوں کے ناموں کا اعلان جلد کیاجائیگا۔