خاندانی جھگڑا،رشتہ داروں کابزرگ بیو پاری پرتشدد، نقدی چھین لی

کوٹ ادو(خبر نگار،نمائندہ خصوصی)خاندانی جھگڑا،رشتہ داروں کابزرگ بیو پاری پرتشدد، ویڈیو  بناتے رہے،نقدی چھین لی ۔چاہ بدر والا کے رہائشی غلام عباس گرمانی جو جانوروں کا بیوپاری ہے رشتہ دارافضل گرمانی نے جانور فروخت کرنے کے بہانے بلایا اور دیگر ساتھیوں شہباز حسین گرمانی، عرفان گرمانی، عمران گرمانی، کاظم گرمانی اور اعجاز گرمانی کے ہمراہ  وحشیانہ تشدد کیااور ویڈیو بناتے رہے جب کہ 4 لاکھ 50 ہزار روپے، چادر اور بٹوہ بھی چھین لیا، غلام عباس گرمانی نے ملزمان کیخلاف تھانہ سٹی کوٹ ادو میں درخواست بھی دی تھی مگر پولیس نے کوئی کارروائی نہ کی،بعد ازاںملزمان نے بزرگ پر تشدد کی وڈیو سوشل میڈیا پر وائرل کردی،ویڈیو وائرل ہونے کے بعد ڈی پی اومظفرگڑھ نے ایس ایچ او تھانہ سٹی کوٹ ادوخرم ریاض کھر کوکارروائی کا حکم دیا جس پر پولیس نے بیوپاری غلام عباس گرمانی کی مدعیت میں 6نامزد ملزمان کے خلاف مقدمہ درج کرکے 2ملزمان کو گرفتار کرلیا، ایس ایچ او خرم ریاض کھر نے کہا کہ متاثرہ غلام عباس گرمانی کی درخواست پر دونوں فریقین کو طلب کیا تھاجس کے بعد فریقین سیاسی ڈیرے پر صلح کا کہہ کر چلے گئے تھے، جبکہ ویڈیو وائرل کرنے والوں کے خلاف بھی  قانون کے مطابق کارروائی کررہے ہیں۔
بیو پاری پرتشدد