فیروزوالہ:شراب سازی کی چالوبھٹی پکڑ لی،سرغنہ شیر علی 2 ساتھیوں سمیت گرفتار

فیروزوالہ(نامہ نگار) پولیس چوکی کوٹ نورشاہ کے انچارج مظہر حسین شاہ نے محکمہ ایکسائز انسپکٹر محمد نعیم شاہ اور دیگر عملے کے ہمراہ چھاپہ مار کر شراب سازی کی چالوبھٹی پکڑ لی۔ شراب کشید کرنے والے گروہ کے سرغنہ شیر علی کو 2 ساتھیوں سمیت گرفتار کرلیا جبکہ ایک ملزم فرار ہوگیا۔ بھاری مقدار میں شراب تیار شدہ اور لاہن برآمد کرلی۔ ملزم مختلف علاقوں میں شراب فراہم کرتے تھے۔ ان کے قبضے سے ناجائز اسلحہ اور منشیات برآمد کرلی۔ ملزموں کے خلاف مقدمات درج کر لئے۔