لاہور(نامہ نگار) ایمرجنسی سروسزاکیڈمی میں سندھ کلچرل ڈے منایا گیا۔سیکرٹری ایمرجنسی سروسز ڈاکٹررضوان نصیر نے خصوصی شرکت کی جبکہ سندھ کے زیر تربیت کیڈٹ کے ساتھ دوسرے صوبوں کے کیڈٹس بھی شریک ہوئے۔ سندھی کیڈٹس نے تاریخی اورکلچرل ٹیبلوز پیش کئے۔ روائتی سندھی ڈانس میں دوسرے صوبوں کے کیڈٹس نے بھی شرکت کی ۔ڈاکٹر رضوان نصیرنے خطاب کرتے ہوئے کہا ہے کہ سندھ کا کلچر محبت کا درس دیتا ہے۔ باب الاسلام سے آئے کیڈٹس اپنے لوگوںکیلئے امید کی کرن ہیں۔