اپنے ملک کے آرٹسٹوں کو مدعو کرنا مجھے بہت خوشی محسوس ہوتی ہے‘ ارشد محمود

لاہور (کلچرل رپورٹر) دنیا بھر میں پاکستان کے کلچر کو متعارف کروانے والی پاک کام انٹر ٹینمنٹ انٹر نیشنل کمپنی اس عیدالفطر پر پاکستان کے آرٹسٹ لیکر کینیڈا اور یو ایس اے جا رہی ہے جن میں پاکستان کی معروف اداکارہ گلوکارہ ہوسٹ ثمن شیخ گلوکارہ فرح انور گلوکار ممتاز علی اور میوزیشن ایم علی شامل ہیں۔ کمپنی کے سی ای او ارشد محمود کے مطابق پاکستانی کمیونٹی جو اس وقت پاکستان سے کینیڈا اور یو ایس اے میں آباد ہے انکے لئے عید کا تحفہ ہو گا چونکہ خوشیوں کے دنوں میں اپنے کلچر اور ملک کی یاد بہت آتی ہے اس طرح کے شوز سے خوشیاں دوبالا ہو جاتی ہیں جب اپنے ملک کے آرٹسٹ اپنا کلچر لیکر آپکے درمیان موجود ہوں سب شوز کی پبلک سٹی شروع ہو چکی ہے جلد ہی شو کی تاریخ کا اعلان کیا جائے گا اس پہلے بھی پاک کام انٹر ٹینمنٹ اس طرح کے کافی شو کر چکی ہے جن کو دونوں ممالک کی حکومت سراہ چکی ہیں۔ سی او پاک کام انٹر ٹینمنٹ انٹر نیشنل ارشد محمود کا کہنا تھا اپنے ملک کا کلچر سب کو پیارا ہوتا ہے اور مجھے بڑی خوشی محسوس ہوتی ہے۔