قائداعظم ؒکے پاکستان کو خواندہ اور سرسبز بنانا قومی مشن ہے: پروفیسر نیولپن گومز 

 راولپنڈی ( جنرل رپورٹر) خواندہ اورسر سبز پاکستان قوم کا مشن ہے وہ اور ان کے احباب قائداعظمؒ کے پاکستان کو تعلیم یافتہ اور شاداب بنانے میں اپنے حصہ کی شمع چلاتے رہیں گے۔ ہم 2023ء کو شجرکاری پلس قرار دینے پر آرچ پشپ ارشد جوزف کا شکریہ ادا کرتے ہیں ان خیالات کا اظہار ممتاز علم دوست شخصیت پرنسپل سینٹ میری اکیڈمی پروفیسر نپولین گومز نے پلانٹیشن ایونٹ کے موقع پر کیا۔ انہوں نے سینئر اساتذہ اور طلباء کے ہمراہ درسگاہ کے احاطے میں پودا لگایا۔ بعد ازاں طلباء اور اساتذہ کرام نے بھی اپنے اپنے شعبوں کی نمائندگی کرتے ہوئے ایروکیریا کے پودے لگائے۔پروفیسر نپولین گومز کا کہنا تھا کہ بدترین سیلاب نے وطن عزیز کے تین چوتھائی حصہ پر بربادی کی جو فصل بوئی اس کا اظہار لفظوں میں ممکن نہیں انہوں نے قوم سے اپیل کہ وہ ہر تہوار اور ہر خوشی کے موقع کو شجرکاری سے منسوب کریں ۔