محراب پور(نامہ نگار) محراب پوررہزنی اور چوری کی وارداتیں ، لاکھا روڈ پولیس تھانہ کی حدود کنڈیارو رابطہ سڑک (لنک روڈ) پر محکمہ آبپاشی (انہار) بنگلے کے پاس رہزنوں نے اسلحہ کے زور پر گاؤں فتح محمد مری کے رہائشی پرائمری استاد اللہ ڈنو مری سے موٹر سائیکل، نقدی اور موبائل فون چھین لیا،لاکھاروڈ گاؤں علی محمد منگریو کے پاس خدا بخش شاخ پر رہزن اسلحہ کے زور پر استاد آصف علی آرائیں سے نقدی، موبائل اور کاغذات چھین کر فرار ہو گئے۔محراب پور پولیس تھانہ کی حدود کوٹری کبیر رابطہ سڑک(لنک روڈ) پر نامعلوم چور عبد الغفار ملک کی دکان کے تالے توڑ کر چکی سے گندم آٹا اور دیگر سامان چرا کر لے گئے پولیس کے مطابق وہ رہزنی اور چوری واردات کی تحقیقات کر رہی ہے۔