ہیری بروک نے انگلینڈ کا  125 سال پرانا ریکارڈ توڑ دیا

لاہور(سپورٹس رپورٹر)ہیری بروک نے کراچی ٹیسٹ میں سنچری سکور کر کے انگلینڈ کا 125 سال پرانا ریکارڈ توڑ دیا۔جارح مزاج مڈل آرڈر بیٹر ہیری روک ابتدائی 6 اننگز میں سب سے زیادہ رنز کرنے والے انگلش بیٹر بن گئے۔کمار رنجیت سنجی نے 1897 ء میں ابتدائی 6 اننگز میں 418 رنز کیے تھے لیکن ہیری بروک پاکستان کیخلاف ٹیسٹ سیریز کی 5 اننگز میں اب تک 465 رنز سکور کر چکے ہیں، ہیری بروک نے کراچی ٹیسٹ میں 50 واں رن لیکر ریکارڈ اپنے نام کیا۔مجموعی طور پر ابتدائی 6 اننگز میں سب سے زیادہ رنز کا ریکارڈ بھارت کے ونود کامبلی کے پاس ہے جنہوں نے ابتدائی 6 ٹیسٹ اننگز میں 669 رنز سکور کیے تھے۔