لالہ نہیں تو کیا ہوا شاہین آفریدی کو نظر آئے گا: فاسٹ بائولر

لاہور(سپورٹس رپورٹر) لاہور قلندرز کے کپتان شاہین آفریدی سے پوچھا گیا کہ شاہد آفریدی فی الحال کسی ٹیم سے منسلک نہیں ہیں، تو کیا مستقبل میں انہیں لاہور قلندرز کیساتھ دیکھا جاسکتا ہے؟جواب میں شاہین نے کہا 'لالا نہیں ہیں تو کیا ہوا، آپ کو شاہین آفریدی تو نظر آئے گا۔ ہماری کوشش ہوتی ہے کہ مثبت کرکٹ کھیلیں اور عوام کو تفریح فراہم کریں، میرا ری ہیب جاری ہے، میں جلد میدان میں کھیلتا نظر آؤں گا۔ شاہد آفریدی نے پی ایس ایل کی ڈرافٹنگ مکمل ہونے پر ٹوئٹر پر ایک ویڈیو شیئر کی جس میں انہیں پی ایس ایل کے 7 سیزنز میں ایکشن میں دیکھا گیا۔سابق کپتان نے ٹوئٹ میں لکھا کہ پی ایس ایل میرے پسندیدہ ٹورنامنٹس میں سے ایک رہا ہے، یہ کچھ یادیں ہیں جو ہمیشہ میرے ساتھ رہیں گی، وہ کھلاڑی جنہیں پی ایس ایل 8 کیلئے منتخب کیا گیا ہے، انہیں میری طرف سے مبارک ہو۔ساتھ ہی لالا نے تمام ٹیمز کیلئے نیک خواہشات کا اظہار کیا۔