آصف زرداری اور بلاول بھٹوکا نور محمد جوگیزئی کے انتقال پر اظہار تعزیت 

 اسلام آباد (این این آئی)سابق صدر آصف علی زرداری اور وزیر خارجہ بلاول بھٹو زر داری نے پیپلزپارٹی پارٹی ضلع لورالائی رہنما سابق ضلع چیئرمین نور محمد جوگیزئی کے انتقال پر اظہار تعزیت  کیا ہے ۔ اپنے بیان میں سابق صدر آصف علی زرداری نے سردار زادہ شیر دل خان سے ان کے والد اور پی پی پی بلوچستان کے سیکرٹری اطلاعات سردار سربلند خان جوگیزئی سے ان کے بہنوئی کے انتقال پر اظہار تعزیت کیا ہے ۔آصف علی زرداری نے سردار نورمحمد جوگیزئی کی مغفرت اور بلند درجات کیلئے دعا کی اور کہاکہ  پارٹی قیادت اور کارکن سردار زادہ شیر دل خان اور سردار سربلند خان کے غم میں شریک ہیں ۔اپنے بیان میںبلاول بھٹو زرداری نے پی پی پی ضلع لورالائی کے رہنما نور محمد جوگیزئی کے انتقال پر دکھ و افسوس کا اظہار کیا ۔بلاول بھٹو زر داری نے سردار زادہ شیر دل خان سے ان کے والد اور سربلند خان جوگیزئی سے ان کے بہنوئی کے انتقال پر دلی تعزیت کا اظہارکیا اور کہاکہ نور محمد جوگیزئی مرحوم پارٹی کا اثاثہ تھے، انہیں ہمیشہ یاد رکھا جائے گا۔انہوںنے کہاکہ قیادت سمیت پوری پارٹی آپ کے غم میں برابر کی شریک ہے۔ انہوںنے کہاکہ دعاگو ہوں، اللہ تعالیٰ مرحوم کو جنت الفردوس اور لواحقین کو صبر جمیل عطا فرمائے۔
آصف زرداری/ بلاول تعزیت