تاریخی مطالعے کا شوق بچپن  سے تھا،راجہ نور محمد نظامی

 حسن ابدال ( نمائندہ نوائے وقت )تاریخی مطالعے کا شوق بچپن سے تھا اسی شوق کی وجہ سے کتابوں کو جمع کر کے انہیں ایک لائبریری کی شکل د ی۔ اسوقت میرے کتب خانے میں تقریبا 23000 ہزار کے قریب کتب موجود ہیں ان خیالا ت کا اظہار ڈائریکٹر آکیالوجیکل،ہسٹاریکل اینڈ کلچرل ریسرچ پوٹھور راجہ نور محمد نظامی نے پریس کلب تحصیل حسن ابدال کے ممبران سے خصوصی گفتگو کرتے ہوئے کیا ۔انکا کہنا تھا کہ آج کے جدید دور میں جہاں پر موبائل نے اپنی جگہ بنا لی وہاں پر کتاب کی مطالعہ کا شوق مانند پڑ گیا مگر کتابوں کی اہمیت کو کبھی فراموش نہیں کیا جا سکتا۔میں نے اسی طرح کتابوں کا ذخیرہ جمع کر کے اپنا کتب خانہ قائم کر دیا۔کتب خانہ میں 800کے قریب تاریخی نسخے بھی موجود ہیں۔