برسبین کی وکٹ بیٹرز کا قبرستان‘ٹیسٹ  میچ2روز میں ختم‘ 34 وکٹیں گریں ‘آسٹریلیا نے جنوبی افریقہ کو 6وکٹوں سے ہرا دیا

لاہور(سپورٹس ڈیسک )آسٹریلیا اور جنوبی افریقہ کے درمیان برسین ٹیسٹ بیٹرز کیلئے ڈراؤنا خواب ثابت ہوا اور دو روز کے دوران 34 کھلاڑی آؤٹ ہو گئے۔آسٹریلیا کے دورے پر آئی جنوبی افریقی ٹیم برسبین ٹیسٹ کی پہلی اننگز میں 152 رنز پر ڈھیر ہو گئی ‘ جواب میں کینگروز ٹیم نے 218 رنز بنائے۔دوسری اننگز میں بھی پروٹیز 99 رنز پر پوری ٹیم پویلین لوٹ گئی‘ 34 رنز کا ہدف آسٹریلیا نے 4 وکٹوں پر پورا کر لیا۔  پیٹ کمنز نے پہلی اننگز میں 2 اور دوسری اننگزمیں پانچ وکٹیں حاصل کیں جبکہ آسٹریلیا کے ٹریوس ہیڈ کو پہلی اننگز میں 92 رنز کی شاندا اننگز کھیلنے پر میچ کا بہترین کھلاڑی قرار دیا گیا۔