’ٹیسٹی‘، انگلینڈ کی بارمی آرمی کو بھی ملتان کا سوہن حلوہ بھاگیا

لاہور(سپورٹس رپورٹر)پاکستان اور انگلینڈ کی ٹیسٹ سیریز کیلئے 17 سال میں پہلی مرتبہ پاکستان کے دورے پر آئی بارمی آرمی بھی ملتان کے سوہن حلوے کی تعریف کیے بغیر نہ رہ سکی۔ٹیسٹ میچز کیلئے انگلش کرکٹ شائقین کی نمائندگی کرنے والی مشہور تنظیم بارمی آرمی پاکستان میں موجود ہے اور بارمی آرمی کے سوشل میڈیا اکاؤنٹ پر ویڈیو شیئر کی گئی ہے۔ویڈیو میں بارمی آرمی کے ممبر کو سوہن حلوہ کھاتے اور اس کی تعریف کرتے دیکھا جا سکتا ہے، بارمی آرمی کے رکن کا سوہن حلوہ کھاتے ہوئے کہہ رہا ہے کہ یہ بہت لذیذ ہے اور اس میں غذائیت کے تمام اجزا موجود ہیں۔ویڈیو مں سوہن حلوے کی غذائیت کے حوالے سے بتانے والے شخص سے بارمی آرمی ممبر کو ہنسی مذاق کرتے بھی دیکھا گیا۔