لاہور(نامہ نگار)پیپلز پارٹی لاہور کے سینئر نائب صدر محمد اشرف بھٹی نے کہا ہے کہ آرمی چیف کے دورہ امریکہ کے پاکستان کی معاشی صورت حال پر مثبت نتائج برآمد ہوں گے اس سے پہلے بھی جب وہ متحدہ عرب امارات کے دورے پر گئے تو اس موقع پر بھی وہ پاکستان کے لیئے اربوں ڈالر کی سرمایہ کاری لیکر آئے ہیں اور قوم کو یاد ہے کہ جب آرمی چیف نے متحدہ عرب امارات کا دورہ کیا تواس وقت پاکستان کی سٹاک ایکسچنج بلند ترین سطح پر پہنچ گئی تھی ۔