سانگلاہل(نمائندہ نوائے وقت)مقامی اتحاد فٹ کلب کے زیر اہتمام 17واں 8روزہ آل پاکستان فٹ بال ٹورنا منٹ 23فروری کو شروع ہوگا، افتتاح ایم ڈی پونیہ برادرزحاجی عدیل احمد پونیہ اورڈائریکٹر پونیہ برادرز بلال احمد پونیہ کریں گے،افتتاحی تقریب میںسجیل احمد پونیہ،شیخ محمد عاصم،محمد پرویز،شہزادہ بخت لیاقت،محمد نعیم،چیئرمین یو سی غلام مصطفےٰ اعوان،محمد شاہد موتی فٹ بالر،محمد نعیم مینجر نادرا،کونسلر شیخ محمد عباس بھٹو شرکت کریںگے۔،ٹورنا منٹ کے آرگنائزر اور اتحاد فٹ بال کلب کے صدر استاد طارق محمود نے بتایا کہ ٹورنا منٹ کا فائنل 2مارچ کو کھیلا جائے گا،تقسیم انعامات کی تقریب میں وفاقی وزیر امور کشمیر،گلگت بلتستان چوہدری محمد برجیس طاہر مہمان خصوصی ہوں گے،جبکہ مسلم لیگ ن کے رہنما میاں اعجاز حسین بھٹی خصوصی شرکت کرینگے،شائقین کو بذریعہ قرعہ اندازی2موٹر سائیکل دئیے جائیں گے۔