آصف زرداری نے یہ نہیں کہا میری بات کو توڑمروڑ کر پیش کیا گیا:فرحت اللہ بابر

لاہور( این این آئی)پیپلزپارٹی کے ترجمان سینیٹر فرحت اللہ بابر نے کہا ہے کہ آصف علی زرداری نے یہ نہیںکہا کہ رائو انوار کے بارے میں ان کی بات کو توڑمروڑ کر پیش کیا گیا بلکہ انہوںنے اخلاقی جرأت کا مظاہرہ کرتے ہوئے اپنی غلطی تسلیم کی اوراپنے الفاظ بھی واپس لئے ،رائو انوار کے بارے میں پیپلزپارٹی کا موقف بڑا واضح ہے کہ اگر کوئی بھی ماورائے عدالت قتل میں ملو ث ہے تو اسے قانون کے مطابق کیفر کردار تک پہنچایا جائے ۔ان خیالات کااظہار انہوں نے پارٹی رہنما تاج حیدر کے ہمراہ عاصمہ جہانگیر کے انتقال پران کے اہل خانہ سے اظہار تعزیت اور فاتحہ خوانی کے بعد میڈیا سے گفتگو کرتے ہوئے کیا۔ فرحت اللہ بابر نے کہا کہ عاصمہ جہانگیر نے ہر ظلم کے خلاف آواز اٹھائی ۔ وہ ایک نڈر اور بہادر خاتون تھیں اوران جیسی شخصیت صدیوں میں پیدا ہوتی ہے۔