لاہور(سپورٹس رپورٹر+نمائندہ سپورٹس) قومی کرکٹ ٹیم کے کوچ اور سابق کپتان وقار یونس کا کہنا ہے کہ مشکل وقت میں سنگاکارا نے پاکستان آکر حقیقی دوست ہونے کا ثبوت دیا۔سماجی رابطے کی ویب سائٹ ٹوئٹر پر میری لیبون کرکٹ کلب کے کپتان کمار سنگاکارا کو ٹیگ کرتے ہوئے ان کا شکریہ ادا کیا اور کہا کہ ’حقیقی دوستی مشکل وقت میں دکھائی دیتی ہے۔آپ نے یہ ثابت کردیا کہ آپ ناصرف ایک اچھے کرکٹر ہیں بلکہ ایک عظیم انسان بھی ہیں۔انہوں نے سنگاکارا کا شکریہ ادا کیا اور کہا کہ آپ نے ہمارے دلوں میں ایک خاص مقام حاصل کرلیا ہے۔