لاہور (نامہ نگار)شاہدرہ کے علاقے میں تیز رفتار ٹرالرنے موٹر سائیکل سواردو دوستوں کو کچل ڈالا۔ جس کے نتیجے میں ایک دوست جاں بحق جبکہ دوسرا شدید زخمی ہوگیا ہے۔ تفصیلات کے مطابق شاہدرہ کے علاقے سگیاں روڈ پر تیز رفتار ٹرالر نے موٹر سائیکل سوار امجد اور اس کے دوست یوسف کو کچل ڈلا۔ جس کے نتیجے میں امجد موقع پر جاں بحق جبکہ یوسف کی ٹانگ ٹوٹ گئی۔ اطلاع ملنے پر اس نے موقع پر پہنچ زخمی یوسف کو طبی امداد کیلئے ہسپتال منتقل کردیا ہے جبکہ ضروری قانونی کارروائی کے بعدامجد کی لاش ورثاء کے حوالے کردی ہے ۔لاش گھر پہنچنے ہی کہرام مچ گیااور والدین کو کو غشی کے دورے پڑنے لگے۔