کراچی: انتظار کی گھڑیاں ختم ہوئیں۔ ایچ بی ایل پی ایس ایل فائیوکل نیشنل اسٹیڈیم کراچی میں شروع ہو رہا ہے۔ رنگارنگ افتتاحی تقریب کے بعد افتتاحی میچ دفاعی چیمپئن کوئٹہ گلیڈی ایٹرز اور دوبار کی چیمپئن اسلام آباد یونائیٹڈ کے درمیان کھیلا جائے گا۔
اتنظارکی گھڑیاں ختم ہوئیں۔ ایچ بی ایل پاکستان سپرلیگ کا پانچواں ایڈیشن جمعرات بیس فروری کونیشنل اسٹیڈیم کراچی میں شروع ہو رہا ہے۔ رنگارنگ افتتاحی تقریب کے بعد دفاعی چیمپئن کوئٹہ گلیڈی ایٹرز اور دو بارکی چیمپئن اسلام آباد یونائیٹڈ کے درمیان پہلا میچ کھیلاجائے گا۔ میگا ٹی ٹوئنٹی ایونٹ کے تمام پینتیس میچز پاکستان کے چار وینیوزکراچی، لاہور، راولپنڈی اور ملتان میں منعقد ہوں گے۔ٹورنامنٹ میں چھ فرنچائز ٹرافی کے لیے بائیس مارچ تک جنگ کریں گی۔
بائیس مارچ کو فائنل قذافی اسٹیڈیم لاہور میں کھیلاجائے گا۔ ٹورنامنٹ کی انعامی رقم ایک ملین ڈالر رکھی گئی ہے۔ فاتح ٹیم پانچ لاکھ اور رنرز اپ دولاکھ ڈالرانعامی رقم کی حقدار ہوگی۔ ہرمیچ کے بہترین کھلاڑی کو ساڑھے چار ہزار ڈالر دیے جائیں گے جبکہ ٹورنامنٹ کے بہترین کھلاڑی، بیٹسمین، بولر، فیلڈر اور اسپرٹ آف کرکٹ پرکھلاڑی کو اسی ہزار ڈالرکیش دیاجائے گا۔