آرٹس کونسل الحمراء میں غزل و گیت کامقابلہ25فروری سے شروع ہوگا

لاہور( اپنے نامہ نگار سے) لاہور آرٹس کونسل الحمراء میں 25فروری 2021کو غزل و گیت کامقابلہ کا انعقاد کیا جائے گا۔ آڈیشنز 24فروری 2021ء کو کئے جائیںگے۔ایگزیکٹوڈائریکٹر لاہور آرٹس کونسل الحمراء ڈاکٹر اسلم ڈوگر نے کہا کہ الحمراء نوجوانوں کو موسیقی کے میدان میں اپنا مستقبل سنوارنے کا موقع  فراہم کر رہا ہے،پاکستان کی دھرتی نے موسیقی میں بڑے نام پیدا کئے،مقابلہ گائیکی سے نوجوانوں کی صلاحیتوں کو نکھار نے میں مدد ملے گی،مقابلے سے غزل و گیت کو فروغ ملے گا،یہی نوجوان مستقبل میں سٹار بن کر ملک وقوم کا نام روشن کریں گے۔ترجمان لاہور آرٹس کونسل الحمراء کے مطابق انٹرکالج ویونیورسٹیز کے 15تا30سال کی عمر کے گلوکار حصہ لیں سکیں گے، خواہش مند آرٹسٹ الحمراء میں رجسٹریشن کروا سکتے ہیں۔