صدرعارف علوی30 لاکھ فالوورز کے ساتھ ٹوئٹر پر چھاگئے

صدرِ پاکستان ڈاکٹر عارف علوی کے ٹوئٹر فالوورز کی تعداد میں اضافہ ہوگیا۔مائیکرو بلاگنگ سائٹ ٹوئٹر پر صدرِ پاکستان ڈاکٹر عارف علوی کو 3 ملین صارفین نے فالو کرلیا ہے جس کے بعد ڈاکٹر عارف علوی پاکستان کی تاریخ کے پہلے صدر بن گئے ہیں جن کے ٹوئٹر پر3ملین یعنی 30 لاکھ فالوورز ہیں۔صدرِ پاکستان ڈاکٹر عارف علوی کے ٹوئٹر اکاونٹ کی طرف نظر دوڑائی جائے تو وہ اپنے اکاونٹ پر سیاسی امور اور ملکی صورتحال کی تازہ ترین تفصیلات سے عوام کو آگاہ کرتے نظر آتے ہیں۔ڈاکٹر عارف علوی نے اپنے ٹوئٹر اکانٹ سے صرف ایک سو 49 صارفین کو فالو کیا ہوا ہے جن میں سیاسی شخصیات سمیت ان کے دیگر عزیز و اقارب شامل ہیں۔دوسری جانب فوٹو اینڈ ویڈیو شیئرنگ ایپ انسٹاگرام پر ڈاکٹر عارف علوی کو دو لاکھ سے زائد صارفین نے فالو کیا ہوا ہے۔یہاں قابلِ ذکر بات یہ ہے کہ صدرِ پاکستان ڈاکٹر عارف علوی نے اپنے انسٹاگرام اکانٹ سے صرف وزیراعظم عمران خان کو فالو کیا ہوا ہے، ان کے علاوہ ڈاکٹر عارف علوی کی فالوونگ لِسٹ کوئی شامل نہیں ہے۔واضح رہے کہ ٹوئٹر پر وزیراعظم عمران خان کے 13 ملین سے زائد فالوورز ہیں اور اس کے بعد انہیں یہ اعزاز حاصل ہے کہ عمران خان پاکستان کے پہلے سیاستدان بن گئے ہیں جن کے ٹوئٹر پر 13 ملین سے زائد فالوورز ہیں۔