ورلڈ اور ایشین اسنوکر چیمپئن شپس کیلئے 4رکنی ٹیم کااعلان

کراچی(اسپورٹس رپورٹر)ورلڈ اسنوکر چیمپئن اور ایشین اسنوکر چیمپئن شپ کے لیے 4رکنی پاکستان اسنوکر ٹیم کا اعلان کردیا گیا ہے، ٹیم میں 2 جونیئر اور 2 سینئر کیوئسٹ شامل ہیں۔ورلڈ اور جونیئر ورلڈ اسنوکر چیمپئن شپ 1 تا 11مارچ قطر کے شہر دوحہ میں ہوگی۔ورلڈ چیمپئن شپ میں محمد سجاد، محمد آصف اور احسن رمضان شرکت کریں گے جبکہ شیخ مدثر کے ساتھ احسن رمضان ورلڈ جونیئر چیمپئن شپ میں بھی ایکشن میں ہوں گے۔ایونٹ کے اختتام کے دوسرے ہی روز ایشین اسنوکر چیمپئن شپ دوحہ میں ہی ہوگی۔اس میں محمد سجاد اور احسن رمضان شرکت کریں گے، دونوں جونیئر کھلاڑی 27 فروری کو جبکہ محمد سجاد اور محمد آصف 4 مارچ کو قطر روانہ ہوں گے۔