چپڑاسی کی تنخواہ 25 ہزار اور اکاونٹ میں 3ارب 75کروڑ‘ اپوزیشن کا سارا مسئلہ ہی انکے کیسز ہیں‘تحریک عدم اعتماد کی یہ ناکام کوششیں کررہے ہیں‘ مگر عمران خان نے این آر او مانگنے والوں کو ابسلوٹلی ناٹ کہہ دیا ہے‘ ٹویٹ
سینیٹر فیصل جاوید خان نے کہا ہے کہ مقصود چپڑاسی کا نام گنیز بک آف ورلڈ ریکارڈز میں جانا چاہیے۔سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں سینیٹر فیصل جاوید نے لکھا کہ چپڑاسی کی تنخواہ 25 ہزار اور اکاو¿نٹ میں 3ارب 75کروڑ، اپوزیشن کا سارا مسئلہ ہی انکے کیسز ہیں۔جاری کردہ پیغام میں فیصل جاوید نے کہا کہ تحریک عدم اعتماد کی یہ ناکام کوششیں کررہے ہیں، مگر عمران خان نے این آر او مانگنے والوں کو ابسلوٹلی ناٹ کہہ دیا ہے۔انہوں نے کہا کہ اپوزیشن کی نیندیں تو پہلے ہی اڑی ہوئی تھیں، اب تو انکے خواب بھی چکنا چور ہو گئے۔سینیٹر فیصل جاوید نے مزید کہا کہ یہ وزیراعظم عمران خان کے خلاف کیا عدم اعتماد لائیں گے جب عوام کا بھرپور اعتماد خان کے ساتھ ہے۔