شہرقائد میں کرونا وائرس کیسز میں واضح کمی،231کیس رپورٹ ہوئے

شہرقائد میں کرونا وائرس کیسز میں واضح کمی دیکھی جارہی ہے، گزشتہ روز شہر میں 231 کرونا کیسز رپورٹ کیے گئے۔تفصیلات کے مطابق کراچی میں کرونا وائرس کیسز میں واضح کمی دیکھی جارہی ہے، کراچی میں کرونا کیسز کی شرح 4.55 فیصد رپورٹ کی گئی ہے۔محکمہ صحت سندھ کے مطابق گزشتہ 24 گھنٹے کے دوران سندھ میں 690 کرونا کیسز رپورٹ کیے گئے جن میں سے 231 کیسز کا تعلق کراچی سے ہے۔محکمہ صحت سندھ کے مطابق سندھ بھر میں 706 اومیکرون کیسز کی تصدیق کی جا چکی ہے، 241 مریض مختلف اسپتالوں میں زیر علاج ہیں، جن میں سے 224 مریضوں کی حالت تشویش ناک جبکہ 17 وینٹی لیٹرز پر ہیں۔