لاہور(خصوصی نامہ نگار) معراج النبیؐ سے انسانیت کو سنورنے کا موقع ملا۔ معراج النبی رسول اکرمؐ کا عظیم معجزہ ہے۔ معراج النبیؐ کے مشاہدے کامیابی کا زینہ ہے۔ معراج النبیؐ  کو عقیدہ صدیقی کی طرح ماننے سے کامیابی فلاح ہے۔ معراج رسولؐ اصل معراج انسانیت ہے۔ چناچہ معراج النبیؐ کی رات بلالحاظ مذہب نسل رنگ قوم ملک اور انسانیت کی تکمیل کی طرف رجوع کی رات ہے اس سے اگلا دن عالمی دن (Universal Day) ہے جو ہر بشر کو بلا تفریق منانا چاہیے۔ ان خیالات کا اظہار عالمی مبلغ اسلام پیر اعجازاشرفی نے سالانہ اجتماع لیلتہ المعراج النبیؐ شب بیداری مرکز اہلسنت درگاہ و جامع مسجد قطب شاہ ولی اچھرہ لاہور میں کیا۔ انہوں کہا سود ،کرپشن ،اقربا پروری و دیگر خرافات سے بچنے کیلئے رسول اللہؐ کے مشاہدات و فرمان معراج النبیؐ پر عمل کرنا چاہیے۔