قیصر سلیم کا سورج میانی ڈسپوزل اسٹیشن پر ایم ڈی اے کی زیر تعمیر بلڈنگ کا دورہ

ملتان( نمائندہ خصوصی)ڈائریکٹر جنرل ایم ڈی اے قیصر سلیم کا سورج میانی ڈسپوزل اسٹیشن پر ایم ڈی اے کی زیر تعمیر  بلڈنگ کا وزٹ کیا، اس دوران رانا وسیم خان، علیم ماجد ، محمد عمران ، رمشاء رحمان سمیت دیگر آفیسران ہمراہ تھے۔ ڈائریکٹر جنرل ایم ڈی اے قیصر سلیم نے تعمیر میں استعمال ہونے والے میٹیریل کے معیار اور مقدار کا معائنہ کیا اور ڈائریکٹر انجینئرنگ رانا وسیم کو موقع پر ہدایات جاری کرتے ہوئے کہا کہ بلڈنگ کی تعمیر میں میٹیریل کی کوالٹی کو یقینی بنایا جائے۔ ڈیزائننگ اور فنشنگ ورک پر خصوصی توجہ دی جائے۔ قیصر سلیم نے ایم ڈی اے ملازمین کے لئے نئے کوٹرز کی تعمیر کے لئے بھی مختلف سائٹس اور تجاویز کا مشاہدہ کیا۔ ڈائریکٹر جنرل ایم ڈی اے قیصر سلیم نے ملازمین کو اچھی اور معیاری رہائشی سہولیات دینے کے لئے ڈائریکٹر آرکیٹیکٹ میڈم رمشاء رحمان کو پلان تیار کرنے کے بھی احکامات جاری کر دیے ہیں۔