زکریا شالیمار ٹاؤن کے مکینوں ‘ تاجروں کا جعلی پیر کیخلاف مظاہرہ

ملتان(نمائندہ خصوصی) اہلیان علاقہ زکریا ٹاؤن،شالیمارٹاؤن کے مکینوں اور تاجروں کا جعلی پیر  کے خلاف احتجاجی ،مظاہرہ کی قیادت جنوبی پنجاب وملتان شہر کے صدر عارف فصیح اللہ نے کی مظاہرین  میں تاجر عہدیداران منیر ہانس،حاجی عبدا لعزیز،جاوید غوری،قاضی راشد،قاسم بگٹی،ملک رمضان سیال،ملک منیر آرائیں،نواز آرائیں،محمد شان ،محمد عرفان،ملک ساجد،منور عزیز،ملک اجمل،شفقت عابد خان،ڈاکٹر غلام شبیر،ملک آصف راں،طارق واہلیان علاقہ کی بڑی تعداد نے شرکت کی۔ اس موقع پر خطاب کر تے ہوئے عارف فصیح اللہ،منیر ہانس،حاجی عبدا لعزیزنے کہاکہ جعلی پیر نذیر احمد غریب خاندانوں کو پانچ پانچ لاکھ کاجھانسہ دے کر ان کی بچیوں سے شادی کرتا ہے اور جنسی تشدد کرتا ہے اور غیر اخلاقی ویڈیو بنا کر ان کے والدین کو بلیک میل کرتا ہے اور جو بلیک میل نہیں ہوتا اس پر مختلف تھانوں میں پولیس کو پیسے دے کرجھوٹی ایف آئی آر درج کروادیتا  ہے جعلی پیر شادیاں کر کے کئی بچیوں کو برباد کر چکا ہے ہم وزیر اعلی پنجاب ،ایڈیشنل آئی جی جنوبی پنجاب،آرپی او ‘سی پی او سے مطالبہ ہے کہ جعلی پیر کے خلاف قانونی کارروائی کی جائے۔