ملتان(نمائندہ خصوصی)   منیجنگ ڈائریکٹر واسا چوہدری محمد دانش کی ہدایت پر نکاسی آب کی شکایات کے تدارک اور سیوریج لائنوں کی بھرپور صفائی کے لئے ڈیسلٹنگ مہم کا سلسلہ جاری ہے اور تمام سیوریج ڈویژن کو اپنی اپنی حدود میں نکاسی آب سے متعلق شکایات کا فوری ازالہ کرنے کا حکم دیا گیا ہے جبکہ  ڈپٹی ڈائریکٹرز سیوریج کو متاثرہ علاقوں کو ریلیف اور شہریوں کو نکاسی آب کی سہولت فراہم کرنے کے لئے تمام دستیاب وسائل بروئے کار لانے کی ہدایت کی گئی ہے ایم ڈی واسا  کی جانب سے ڈیسلٹنگ ٹیموں کی کڑی مانٹرنگ بھی جاری ہے عید گاہ سیوریج سب ڈویڑن نے حسن آباد ،قاسم پور سیوریج سب ڈویڑن نے قاسم پور کالونی ، بہاولپور روڈ، سورج میانی سیوریج سب ڈویژن نے شاداب کالونی، رسول پور سورج میانی، ولایت آباد سیوریج سب ڈویژن نے سلیم آباد، الجیلان روڈ ، کھار پور، چوک شاہ عباس،گارڈن ٹاؤن سیوریج سب ڈویژن نے بستی خداداد میں درجنوں مین ہولز کی صفائی کی گئی۔