صدر  زخمیوں کی عیادت کیلئے ہسپتال پہنچ گئے‘ پولیس‘ رینجرز کی بہادری کو سراہا

کراچی‘ اسلام آباد (سٹاف رپورٹر+نمائندہ خصوصی )  صدر مملکت ڈاکٹر عارف علوی نے کراچی پولیس آفس حملے کے زخمیوں کی عیادت کی۔ پولیس اور رینجرز کی بہادری کو سراہا۔ صدر مملکت ڈاکٹر عارف علوی جناح ہسپتال کراچی پہنچے جہاں پولیس اور رینجرز اہلکاروں سے اظہار یکجہتی کیا۔ انہوں نے زخمیوں کی خیریت دریافت کی اور ان کی جلد صحت یابی کی دعا بھی کی۔ اس موقع پر صدر مملکت نے جام شہادت نوش کرنے والے رینجرز اور پولیس اہلکاروں کو خراج عقیدت بھی پیش کیا۔