فیروز آباد اسٹاپ پر تیز رفتار کار الٹ گئی،ایک شخص جاں بحق ،5 زخمی 

ٹنڈوالہ یار(رپورٹ: راجہ جاوید خانزادہ) فیروز آباد اسٹاپ پر کار الٹ گئی ،ایک شخص جاں بحق 5 زخمی، حادثے میں جاں بحق و زخمیوں کو اسپتال منتقل کردیا۔ تفصیلات کے مطابق ٹنڈوالہ یار کے کے علاقے فیروز آباد اسٹاپ پر تیز رفتار کا ڈرائیور کے کنٹرول سے باہر ہوکر الٹ گئی جسکے نتیجے میں کار میں سوار انیس شیخ موقع پر ہی جاں بحق ہوگیا جبکہ دیگر مذکورہ کار میں سوار زاہد شیخ عظیم شیخ اسلام شیخ سمیت 5 افراد  شدید زخمی ہوگئے اطلاع ملنے پر پولیس موقع پر پہنچی جہاں پولیس نے ضروری کارروائی کے بعد حادثے میں جاں بحق و زخمیوں کو میرپورخاص کے اسپتال منتقل کردیا، حادثے میں جاںبحق و زخمی ہونے والوں کا تعلق میرپورخاص سے ہے پولیس نے مذکورہ حادثے کی ابتدائی رپورٹ درج کرکے تفتیش شروع کردی۔