گوجرانوالہ (نمائندہ خصوصی) نجی ہاؤسنگ سوسائٹی میں گیس لیکج کے باعث زوردار دھماکے سے مکان کی چھت گر گئی۔آگ کی زد میں آکر ماں اپنے دو بچوں سمیت جھلس گئی۔ متاثرین کو ہسپتال منتقل کر دیا گیا۔ بتایا گیا ہے کہ چنددا قلعہ کے قریب واقع سوسائٹی میں حادثہ ہوا۔ رمضانی بی بی اسکی بیٹی رقیہ بی بی اور بیٹا  شہباز جھلس گئے۔ واقعہ کی اطلاع ملنے پر ریسکیو اہلکار بھی موقع پر پہنچ گئے، جنہوں نے متاثرین کو فوری طور پر ڈسٹرکٹ ہسپتال منتقل کیا۔