گجرات: ذہنی معذور بچی سے زیادتی  فیصل آباد ‘ بچہ‘ گگو منڈی میں لڑکی نشانہ

فیصل آباد‘ گجرات‘ گگومنڈی (نمائندہ خصوصی + نامہ نگاران) اوباش نے کمسن بچے کو ہوس کا نشانہ بنا دیا۔ گگومنڈی میں لڑکی نشانہ‘ تفصیل کے مطابق تھانہ جھنگ بازار کے علاقہ رشید آباد کے رہائشی خرم شہزاد کا پانچ سالہ بیٹا گلی میں کھیل رہا تھا کہ اسی دوران ملزم مزمل بچے کو ورغلا کر اپنے گھر لے گیا۔ پولیس نے مقدمہ درج کر کے کارروائی شروع کر دی۔ گائوں 203۔ ای بی کی رہائشی 14سالہ لڑکی (س) دوپہر کے وقت کھیتوں میں مزدوری کر رہی تھی کہ اس دوران اس کا سوتیلا والد محمد منیر مغل وہاں آ گیا اور زبردستی مسماۃ (س) کو زیادتی کا نشانہ بنا ڈالا‘ متاثرہ لڑکی نے معززین دیہہ کے ہمراہ پولیس سٹیشن گگو منڈی پہنچ کر اپنے ساتھ ہونے والے ظلم کے متعلق پولیس کو آگاہ کیا تو پولیس نے مقدمہ درج کر کے اسے طبی معائنہ کے لیے آر ایچ سی گگو منڈی بھیج دیا ہے۔ نواحی گائوں چھنی نکوانی کے رہائشی وارث علی کی کمسن بیٹی (ر) کو گائوں کے رہائشی زمیندار کے ڈیرہ ملازم نے گلی میں کھیلنے کے دوران اٹھا کر ویران علاقہ میں لے جا کر اپنی ہوس کا نشانہ بنا ڈالا اور بچی کی حالت تشویشناک ہونے پر بوری میں بند کر کے کھیتوں میں پھینک دیا۔ والدین نے اپنے طور پر بچی کی تلاش شروع کی تو کھیتوں میں بور ی بند سے آواز آنے اور شناخت ہونے پر ریسیکو عملہ نے اسے ہسپتال داخل کروا دیا۔ تھانہ رحمانیہ نے شیخوپورہ کے علاقہ فیصل ٹائون مانانوالہ کے رہائشی اوباش تنویر شوکت کے خلاف مقدمہ درج کر کے کارروائی شروع کر دی۔