فیروزوالا: ہارویسٹر مشین کی دو موٹر سائیکلوں کو ٹکر‘ 3 افراد جاں بحق‘ ایک زخمی

فیروزوالہ (نامہ نگار) لاہور، شیخوپورہ روڈ پر قلعہ ستار شاہ کے قریب تیر رفتار ہارویسٹر مشین کا  ایکسل ٹوٹ جانے سے بے قابو ہو کہ دو موٹر سائیکلوں پر چڑھ گئی جس کے نتیجے میں تین افراد ہلاک جاں بحق جبکہ ایک نوجوان زخمی ہوگیا، جسے طبی امداد کیلئے ہسپتال داخل کرا دیا گیا۔ حادثہ  کے بعد مشتعل افراد نے حادثہ والی گاڑی پر پتھروں سے شیشے توڑ ڈالے، آگ لگانے کی کوشش کی مگر پولیس نے بروقت کارروائی کر کے بچا لیا ، بتایا گیا ہے کہ کوٹ پنڈی داس کے قریب تیز رفتار ہارڈ  یسٹر مشین  کا اچانک ایکسل ٹوٹ جانے سے بے قابو ہو کر  آگے جانے والی دو موٹرسائیکلوں  سے ٹکرا گئی جس کے نتیجے میں دونوں موٹر  سائیکلوں پر سوار افراد کو کچل دیا جس کے نتیجہ میں ایک موٹر سائیکل سوار دو کزن رضوان اور ارشاد کے  جبکہ دوسری موٹر سائیکل سوار نوجوان محمود احمد موقع پر جاں بحق ہو گیا۔ اس کا دوست پندرہ سالہ نوجوان قلب عباس شدید زخمی ہوگیا جسے طبی امداد کے لئے ہسپتال منتقل کردیا گیا۔