لاہور(سپورٹس رپورٹر)پاکستان سپر لیگ سیزن نو کیلئے پاکستان کے سابق ٹیسٹ کرکٹر عمر گل پشاورزلمی کے باولنگ کنسلٹنٹ مقرر کر دیئے گئے ۔پشاور زلمی کے چیئرمین جاوید آفریدی نے کہا کہ وہ عمر گل کو زلمی فیملی میں خوش آمدید کہتے ہیں۔ عمر گل کے کوچنگ تجربے سے پشاور زلمی کو باولنگ کا شعبہ مضبوط بنانے میں مدد ملے گی۔سابق کپتان اور مایہ ناز بیٹر محمد یوسف پشاور زلمی کے بیٹنگ کنسلٹنٹ مقرر کئے گئے ہیں ۔پشاور زلمی کے چیئرمین جاوید آفریدی نے کہا کہ وہ محمد یوسف کو زلمی فیملی میں خوش آمدید کہتے ہیں۔ پشاور زلمی سکواڈ میں موجود نوجوان باصلاحیٹ بیٹرز صائم ایوب، محمد حارث ، حسیب اللہ اور دیگر کو محمد یوسف سے بہت کچھ سیکھنے کا موقع ملے گا۔