لاہور(نیوز رپورٹر) لاہور پریس کلب میں اقرا کلب کی ہفتہ وار نشست میں شرکا نے سورہ دخان کی آیات 59اور 58 پر گفتگو کرتے ہوئے کہا کہ قرآن کریم کا نہایت سہل  اور دلنشین اسلوب اپنے قاری اور سامع کے دل پر براہ راست اثر کرتا ہے۔ دل زندگی کی راہ پاتا ہے۔ اس کی بیان کردہ باتیں فسانہ نہیں مبنی بر حقیقت اور نتیجہ خیز ہیں۔ اس لیے یہ کتاب ہدایت سب انسانوں کیلئے اتمام حجت بھی ہے۔ اس سے عدم مطابقت کا کوئی عذر قابل قبول نہیں ہو گا۔ آخر میں مرحوم ارکان پریس کلب و اقربا کیلئے مغفرت،بیمار ارکان کیلئے صحت، بے گناہ قیدیوں کی رہائی اور فلسطین کی فتح و نصرت کی دعا کی گئی۔