اسلام آباد (خبرنگارخصوصی)یورپی یونین، بیلجیئم اور لکسمبرگ میں پاکستان کی سفیر آمنہ بلوچ نے بیلجیئم کے ایگزوٹیک سٹی کا دورہ کیا جو کہ یورپ کو پاکستانی فوڈ پراڈکٹس کا ایک بڑا سپلائر ہے۔ سماجی رابطوں کی ویب سائٹ ایکس پر اتوار کو پاکستانی سفارتخانہ نے اپنے ٹویٹ میں کہا کہ اپنے دورہ کے موقع پر آمنہ بلوچ نے پاکستانی مصنوعات کو یورپی منڈیوں میں متعارف کرانے میں کمپنی کی جانب سے کی جانے والی کوششوں کو سراہا۔