کراچی (آئی این پی ) کراچی میں خوردنی تیل لے جانے والا ٹینکر الٹ گیا۔ پولیس کے مطابق کراچی کے علاقے کورنگی صنعتی ایریا میں ویٹا چورنگی کے قریب الٹنے والے ٹینکر میں 30 ہزار لیٹر خوردنی تیل تھا۔ پولیس نے بتایا ہے کہ حادثہ چورنگی کراس کرتے ہوئے 2 ٹینکر ٹکرانے کے باعث پیش آیا ہے، ڈسٹرکٹ پولیس اور ٹریفک پولیس کی نفری موقع پر پہنچ گئی، حادثے میں آئل ٹینکر ڈرائیور اور کلینر محفوظ رہے۔ پولیس کے مطابق حادثے کے باعث آئل سڑک پر بہہ جانے سے ٹریفک کی روانی متاثر ہوئی، شہری ڈرم لے کر آئل جمع کرنے پہنچ گئے۔