سابق امریکی صدر ڈونلڈ ٹرمپ کا جوتوں کا برانڈ صارفین کی توجہ کا مرکز بن گیا۔
غیر ملکی میڈیا کے مطابق سابق امریکی صدر ٹرمپ نے اپنی ایک کمپنی کی جانب سے متعارف کروائے گئے ان جوتوں کو ’دی گریٹیسٹ اسنیکرز شو آن ارتھ‘ قرار دیا ہے۔
سابق امریکی صدر ٹرمپ کی کمپنی کی جانب سے متعارف کروائے گئے ان جوتوں کی قیمت 399 ڈالر ہے اور ویب سائٹ کے ذریعے ان کی فروخت سلسلہ شروع ہوچکا ہے۔
امریکی میڈیا کا اس حوالے سے کہنا ہے کہ ڈونلڈ ٹرمپ نے فلاڈلفیا کے کنونشن سینٹر میں سنہرے جوتوں کی جوڑی متعارف کرائی جن پر امریکی پرچم کی تفصیل بھی لکھی ہوئی ہے۔
