پانی انسانی زندگی کا اہم ترین جزو ہے، ضرورت کے مطابق پانی پینے سے نہ صرف ہمارے جسم کے اندرونی اور بیرونی اعضاء ٹھیک طرح سے کام کرتے ہیں بلکہ یہ ہماری صحت اور تندرستی کا ضامن بھی ہے۔
ایک جانب سادہ پانی پینے کے فوائد سے انکار کسی طور ممکن تو نہیں لیکن گرم پانی پینا بھی اپنے لحاظ سے انتہائی اہمیت کا حامل ہے۔ جس کے حیران کن نتائج سامنے آئے ہیں۔
اس حوالے سے طبی ماہرین کا کہنا ہے کہ گرم پانی پینے سے بھی ہماری صحت اور جسم پر بہترین اثرات مرتب ہوتے ہیں۔ آج ہم اس مضمون میں آپ کیلئے صبح نہار منہ گرم پانی کا گلاس پینے فوائد بیان کریں گے جو مندرجہ ذیل ہیں۔
1.ہاضمہ بہتر ہوتا ہے
صبح نہار منہ گرم پانی پینے سے نظامِ انہضام بہتر ہوتا ہے، اس کے ذریعے معدہ اچھی طرح کام کرتا ہے جس سے ہاضمہ بہتر ہوتا ہے اور ہمارا جسم غذائیت جذب کرتا ہے۔
2.قبض سے نجات ملتی ہے
صبح اٹھنے کے بعد نہار منہ گرم پانی کا گلاس پینے سے رفع حاجت کے مسائل بہتر ہوتے ہیں اور قبض سے نجات ملتی ہے۔
3.ذہنی دباؤ میں کمی آتی ہے
گرم پانی پینے سے ہمارا جسمانی اور ذہنی دباؤ کم ہوتا ہے۔ دن کا آغاز گرم پانی کے گلاس سے کرنے سے ذہنی سکون ملتا ہے اور آرام دہ احساس حاصل ہوتا ہے۔
4.خون کا بہاؤ بہتر ہوتا ہے
گرم پانی پینے سے جسم میں خون کا بہاؤ تیز اور بہتر ہوتا ہے۔ گرم پانی پینے سے رگیں نرم ہوتی ہیں جس سے جسم میں آکسیجن اور غذائیت خلیوں میں بہتر انداز میں داخل ہوتے ہیں۔
5.منہ کی صفائی ہوتی ہے
نہار منہ گرم پانی کا گلاس پینے سے منہ میں موجود بیکٹیریا ختم ہوتا ہے اور منہ کی صفائی ہوتی ہے۔ گرم پانی پینے سے مسوڑوں کی سوزش بھی کم ہوتی ہے۔
