لاہور(سپورٹس رپورٹر)عالمی چیمپئن محمد آصف نے کوریا کے ینگ جن پارک کو سخت جدوجہد کے بعد 3?4 سے مات دے کر ایشین سنوکر چیمپئن شپ کے کوارٹر فائنل میں جگہ بنا لی۔ قطر کے شہر دوحہ میں جاری چیمپئن شپ کے پری کوارٹر فائنل میں پاکستان کے دوسرے کیوسٹ شاہد آفتاب نے چین کے زوہو جن ہاؤ کو 1-4 سے زیر کرکے فتح اپنے نام کی،تاہم تیسرے قومی کھلاڑی سابق ایشین چیمپئن محمد سجاد کو ایران کے عامر سرکوش نے 1-4 سے ہرا کر ایونٹ سے باہر کردیا۔دوسری جانب ایشین انڈر21 سنوکر چیمپئن شپ کے پہلے راؤنڈ میں پاکستان کے حمزہ الیاس اور احسن رمضان نے کامیابی کو گلے لگا لیا۔