لاہور(سپورٹس رپورٹر)چیمپئنز ٹرافی میں پاکستان نے نیوزی لینڈ کیخلاف میچ کیلئے ٹیم منتخب کرلی ہے۔ذرائع کے مطابق  قومی ٹیم میں ٹرائی نیشن سیریز میں سائیڈ سٹرین کا شکار ہونے والے حارث روف کو بھی پلیئنگ الیون میں شامل کر  لیا گیاہے اور بتایا گیاہے کہ وہ اب مکمل فٹ ہیں۔ ٹیم مینجمنٹ نے فہیم اشرف کو چیمپئنز ٹرافی کے پہلے میچ میں آرام دینے کا فیصلہ کیاہے جبکہ پلیئنگ الیون میں کپتان محمد رضوان، بابراعظم ، فخر زمان، سعود شکیل ، سلمان علی آغا، نسیم شاہ، شاہین شاہ آفریدی ، حارث روف ، محمد ابرار ، خوشدل شاہ، طیب طاہر کو شامل کئے جانے کا امکان ہے۔