فیصل آباد (نمائندہ خصوصی) پنجاب ہاکی ایسوسی ایشن کے زیراہتمام تیسری نیشنل ٹرے ہاکی چیمپئن شپ کے سلسلے میں چوتھے روز فیصل آباد ہاکی سٹیڈیم میں دو میچز کھیلے گئے۔ پاکستان کسٹمز نے سندھ کو ایک کے مقابلے میں چار گول سے شکست دی۔ دوسرے میچ میں پنجاب نے ریلوے کو دو کے مقابلے میں تین گول سے شکست دی۔ میچز کے دوران شائقین کی بڑی تعداد فیصل آباد ہاکی سٹیڈیم میں موجود رہی۔ سیکرٹری ڈسٹرکٹ ہاکی ایسوسی ایشن خالد بشیر اولمپئن نے میڈیا سے گفتگو کرتے ہوئے کہا کہ یہ چیمپئن شپ ہاکی کے فروغ میں اہم کردار ادا کرے گی۔