نارووال؍ چنیوٹ (نامہ نگاران) ریسکیو 1122 کے اہلکاروں نے نارووال اور چنیوٹ میں درخت کی ٹہنیوں پر پھنسی بلی اور ڈور سے الجھے کوے کو ایک گھنٹہ جدوجہد کے بعد باحفاظت نکال دیا ۔ نارووال کے جنرل پوسٹ آفس میں واقع ایک اونچے درخت کی ٹہنیوں میں پھنسی بلی کو ریسکیو 1122 سے اہلکاروں نے آپریشن کرتے ہوئے ایک گھنٹے کی طویل جدوجہد کے بعد باحفاظت نکال کر چھوڑ دیا۔ چنیوٹ میں ختم نبوت پارک لائبریری میں ایک درخت پر بیٹھا کوا وہاں پتنگ کی لٹکتی ڈور میں پھنس گیا جسے ریسکیو 1122 اہلکاروں نے آزادی دلا دی۔